ਸਨਮਾਨਿਤ ਵਿਦਿਆਰਥੀਆਂ ਦੇ ਨਾਲ ਡੀ ਈ ਓ ਨੇਕ ਸਿੰਘ , ਡਾ ਪ੍ਰਵੀਨ ਗੁਪਤਾ , ਐਡਵੋਕੇਟ ਸਮੀਕਸ਼ਾ ਗੁਪਤਾ ਅਤੇ ਮਾਪੇ । ਤਸਵੀਰ : ਜਗਦੀਸ਼ ਥਿੰਦ
ਜਗਦੀਸ਼ ਥਿੰਦ
ਗੁਰੂਹਰਸਹਾਏ/ ਫਿਰੋਜ਼ਪੁਰ 15 ਮਈ : ਇਲਾਕੇ ਦੀ ਸਿਰਮੌਰ ਵਿੱਦਿਅਕ ਸੰਸਥਾ ਐੱਚ ਕੇ ਐੱਲ ਕਾਲਜ ਵਿੱਚ ਅੱਜ ਸਾਦਾ ਪਰ ਪ੍ਰਭਾਵਸ਼ਾਲੀ ਸਮਾਗਮ ਹੋਇਆ ।
ਜ਼ਿਲ੍ਹਾ ਸਿੱਖਿਆ ਅਫਸਰ ਸਰਦਾਰ ਨੇਕ ਸਿੰਘ ਨੇ ਅੱਜ ਕਾਲਜ ਵਿੱਚ ਪੁੱਜ ਕੇ ਚਾਰ ਉਨ੍ਹਾਂ ਵਿਦਿਆਰਥਣਾਂ ਨੂੰ ਸਨਮਾਨਿਤ ਕੀਤਾ ਜਿਨ੍ਹਾਂ ਨੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਬਾਰਵੀਂ ਸ਼੍ਰੇਣੀ ਦੀ ਲਈ ਗਈ ਪ੍ਰੀਖਿਆ ਵਿੱਚ ਰਾਜ ਭਰ ਦੀ ਮੈਰਿਟ ਸੂਚੀ ਵਿੱਚ ਸਥਾਨ ਪ੍ਰਾਪਤ ਕੀਤਾ ਹੈ ।
ਕਾਲਜ ਦੇ ਸੀ ਈ ਓ ਕੁਮਾਰੀ ਐਡਵੋਕੇਟ ਸਮੀਕਸ਼ਾ ਗੁਪਤਾ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਕਾਲਜ ਵਿੱਚ ਮਿਆਰੀ ਸਿੱਖਿਆ ਪ੍ਰਦਾਨ ਕਰਨ ਲਈ ਜਿੱਥੇ ਵਿਦਿਆਰਥੀਆਂ ਨੂੰ ਹਰੇਕ ਜ਼ਰੂਰੀ ਸਹੂਲਤ ਮੁਹੱਈਆ ਕਰਵਾਈ ਜਾਂਦੀ ਹੈ ਉਥੇ ਅਨੇਕਾਂ ਵਾਰ ਅਜਿਹਾ ਕਰਦਿਆਂ ਸਮੱਸਿਆਵਾਂ ਨਾਲ ਵੀ ਸਾਹਮਣਾ ਕਰਨਾ ਪੈਂਦਾ ਹੈ ।
ਸਰਦਾਰ ਨੇਕ ਸਿੰਘ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਨੇ ਕਿਹਾ ਕਿ ਇਕ ਸਿੱਖਅਕ ਹੋਣ ਦੇ ਨਾਤੇ ਉਨ੍ਹਾਂ ਦਾ ਸਿਰ ਮਾਣ ਨਾਲ ਉੱਚਾ ਹੋ ਜਾਂਦਾ ਹੈ ਜਦੋਂ ਉਨ੍ਹਾਂ ਦੇ ਜ਼ਿਲ੍ਹੇ ਵਿੱਚੋਂ 9 ਵਿਦਿਆਰਥੀ ਮੈਰਿਟ ਸੂਚੀ ਵਿੱਚ ਸਥਾਨ ਬਣਾਉਂਦੇ ਹਨ । ਉਨ੍ਹਾਂ ਆਪਣੇ ਸੰਬੋਧਨ ਵਿੱਚ ਜਿੱਥੇ ਸਕੂਲ ਮੈਨੇਜਮੈਂਟ ਅਤੇ ਸਟਾਫ਼ ਦੀ ਪ੍ਰਸ਼ੰਸਾ ਕੀਤੀ ਉਥੇ ਮਾਪਿਆਂ ਨੂੰ ਵੀ ਸਲਾਹਿਅਾ । ਉਨ੍ਹਾਂ ਕਿਹਾ ਕਿ ਅੱਜ ਵਾਂਗ , ਹਮੇਸ਼ਾ ਸਿੱਖਿਆ ਪਰਉਪਕਾਰੀ ਰਹੀ ਹੈ ਅਤੇ ਅੱਗੇ ਵੀ ਸਿੱਖਿਆ ਪ੍ਰਾਪਤ ਵਿਅਕਤੀ ਕਿਸੇ ਹੋਰ ਨਾਲ ਨਾਲੋਂ ਵਧੇਰੇ ਅਮੀਰ ਗਿਣਿਆ ਜਾਂਦਾ ਰਹੇਗਾ ।
ਸ੍ਰ ਨੇਕ ਸਿੰਘ ਨੇ ਮੈਰਿਟ ਵਿਚ ਸਥਾਨ ਬਣਾਉਣ ਵਾਲੀਆਂ ਚਾਰੋਂ ਵਿਦਿਆਰਥਣਾਂ ਨੂੰ ਨਕਦ ਰਾਸ਼ੀ ਦੇ ਨਾਲ ਨਾਲ ਪ੍ਰਸੰਸਾ ਪੱਤਰ ਭੇਟ ਕੀਤਾ ।
ਇਸ ਮੌਕੇ ਡਾ ਪ੍ਰਵੀਨ ਗੁਪਤਾ ਚੇਅਰਮੈਨ ਮੈਨੇਜਮੈਂਟ ਕਮੇਟੀ , ਸ੍ਰੀਮਤੀ ਪੱਲਵੀ ਮੋਂਗਾ ਪ੍ਰਿੰਸੀਪਲ , ਸ਼੍ਰੀਮਤੀ ਪਵਨ ਗੁਪਤਾ ਡਾਇਰੈਕਟਰ ਡਾਕਟਰ ਅਨੂਗ੍ਰੇਪ ਵਾਈਸ ਪ੍ਰਿੰਸੀਪਲ ਕਾਲਜ ਆਫ ਨਰਸਿੰਗ , ਡਾਕਟਰ ਨੀਰਜ ਗੁਪਤਾ ਪ੍ਰਿੰਸੀਪਲ ਕਾਲਜ ਆਫ਼ ਐਜੂਕੇਸ਼ਨ ਡੇਵਿਡ ਜੈਨ ਐਡਮਨਿਸਟਰੇਟਰ ਤੋਂ ਇਲਾਵਾ ਵਿਦਿਆਰਥੀਆਂ ਦੇ ਮਾਪੇ ਮੌਜੂਦ ਸਨ ।
ਇਸ ਮੌਕੇ ਵਿਦਿਆਰਥੀਆਂ ਵੱਲੋਂ ਰਾਸ਼ਟਰੀ ਗਾਣ ਦੇ ਨਾਲ ਨਾਲ ਸੱਭਿਆਚਾਰਕ ਵੰਨਗੀ ਪੇਸ਼ ਕਰਦੇ ਗਿੱਧਾ ਭੰਗੜਾ ਅਤੇ ਗੀਤ ਪੇਸ਼ ਕੀਤੇ