ਸੰਗਰੂਰ: ਮਾਂ ਨੇ ਆਪਣੀ 5 ਸਾਲ ਦੀ ਧੀ ਦਾ ਕਤਲ ਕਰਨ ਤੋਂ ਬਾਅਦ ਖੁਦਕੁਸ਼ੀ ਕੀਤੀ
ਬਾਬੂਸ਼ਾਹੀ ਨੈਟਵਰਕ
ਸੰਗਰੂਰ 2 ਜੁਲਾਈ 2022- ਘਰੇਲੂ ਕਲੇਸ਼ ਕਾਰਨ ਇਕ ਔਰਤ ਵਲੋਂ 5 ਸਾਲਾਂ ਧੀ ਨੂੰ ਮਾਰਨ ਅਤੇ ਫਿਰ ਫਾਹਾ ਲੈਣ ਦਾ ਇਕ ਮਾਮਲਾ ਸੰਗਰੂਰ ਤੋਂ ਸਾਹਮਣੇ ਆਇਆ ਹੈ ।
ਦੱਸਿਆ ਜਾ ਰਿਹਾ ਹੈ ਇਸ ਘਟਨਾ ਤੋਂ ਬਾਦ ਔਰਤ ਦਾ ਪਤੀ ਆਪਣਾ ਦਿਮਾਗੀ ਸੰਤੁਲਨ ਗਵਾ ਬੈਠਾ, ਜਿਸ ਨੂੰ ਸੰਗਰੂਰ ਦੇ ਸਿਵਲ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ। ਪੁਲਸ ਅਨੁਸਾਰ 40 ਸਾਲਾ ਸ਼ਿੰਦਰਪਾਲ ਕੌਰ ਵਲੋਂ ਘਰੇਲੂ ਕਲੇਸ਼ਤੋਂ ਪਰੇਸ਼ਾਨ ਹੋ ਕੇ ਪਹਿਲਾਂ ਆਪਣੀ 5 ਸਾਲ ਦੀ ਧੀ ਭਾਵਨਾ ਨੂੰ ਮਾਰ ਦਿੱਤਾ।
ਇਸ ਤੋਂ ਬਾਅਦ ਉਸ ਨੇ ਫ਼ਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲ਼ਈ। ਜਦੋਂ ਇਸ ਗੱਲ ਦਾ ਸ਼ਿੰਦਰਪਾਲ ਦੇ ਪਤੀ ਨੂੰ ਪਤਾ ਲੱਗਾ ਤਾਂ ਉਹ ਦਿਮਾਗੀ ਸੰਤੁਲਨ ਗਵਾ ਬੈਠਾ।
ਜਿਸ ਨੂੰ ਸੰਗਰੂਰ ਦੇ ਸਿਵਲ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਹੈ। ਫਿਲਹਾਲ ਡਾਕਟਰਾਂ ਵੱਲੋਂ ਉਸ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।