ਪੰਜਾਬ ਪੁਲਿਸ ਦੀ ਹੈੱਡ ਕਾਂਸਟੇਬਲ ਨੇ ਕੀਤਾ ਆਪਣਾ ਮਾਡਲਿੰਗ ਦਾ ਸੁਪਨਾ ਪੂਰਾ
ਰੋਹਿਤ ਗੁਪਤਾ
ਗੁਰਦਾਸਪੁਰ, 2 ਅਕਤੂਬਰ 2023 : ਪੰਜਾਬ ਦੇ ਬਟਾਲਾ ਸ਼ਹਿਰ ਦੀ ਰਹਿਣ ਵਾਲੀ ਸੁਖਪ੍ਰੀਤ ਕੌਰ ਜੋ ਪੰਜਾਬ ਪੁਲਿਸ ਚ ਹੈਡ ਕਾਂਸਟੇਬਲ ਦੀ ਨੌਕਰੀ ਕਰ ਰਹੀ ਹੈ ਉਸਨੇ ਆਪਣੀ ਨੌਕਰੀ ਦੇ ਨਾਲ ਨਾਲ ਆਪਣਾ ਬਚਪਨ ਦਾ ਸੁਪਨਾ ਵਿਆਹ ਤੋਂ ਬਾਅਦ ਪੂਰਾ ਕੀਤਾ। ਜਿਸ ਦੇ ਚਲਦੇ ਉਸ ਨੇ ਦੇਸ਼ ਭਰ ਦੇ ਹੋਏ ਫਾਰਐਵਰ ਸਟਾਰ ਇੰਡੀਆ ਮਾੱਡਲਿੰਗ ਮੁਕਾਬਲੇ ਚ ਮਿਸਿਜ਼ ਪੰਜਾਬ ਦਾ ਖਿਤਾਬ ਜਿੱਤ ਜਿਥੇ ਆਪਣਾ ਸੁਪਨਾ ਪੂਰਾ ਕੀਤਾ ਉਥੇ ਹੀ ਆਪਣੀ ਵੱਖ ਪਹਿਚਾਣ ਕਾਇਮ ਕੀਤੀ ਹੈ ।
ਸੁਖਪ੍ਰੀਤ ਕੌਰ ਦੱਸਦੀ ਹੈ ਕਿ ਭਾਵੇ ਕਿ ਉਹ ਪੰਜਾਬ ਪੁਲਿਸ ਚ ਨੌਕਰੀ ਤੇ ਤੈਨਾਤ ਹੈ ਲੇਕਿਨ ਉਸ ਦਾ ਬਚਪਨ ਦਾ ਸੁਪਨਾ ਸੀ ਕਿ ਮਾੱਡਲਿੰਗ ਕਰੇ ।ਚਾਹੇ ਸਮਾਂ ਐਸਾ ਸੀ ਕਿ ਉਸ ਨੇ ਉਹ ਪਹਿਲਾ ਨਹੀਂ ਕੀਤਾ ਲੇਕਿਨ ਹੁਣ ਉਹ ਆਪਣਾ ਸੁਪਨਾ ਪੂਰਾ ਕਰ ਰਹੀ ਹੈ।ਪਿਛਲੇ ਦਿਨੀ ਜੈਪੁਰ ਚ ਹੋਏ ਫਾਰਐਵਰ ਸਟਾਰ ਇੰਡੀਆ ਮੋਡਲਿੰਗ ਮੁਕਾਬਲੇ ਚ ਉਹ ਸਿਲੈਕਟ ਹੋਈ ਸੀ ਜਦਕਿ ਪੰਜਾਬ ਤੋਂ ਹੋਰ ਵੀ ਮਹਿਲਾਵਾਂ ਸਨ। ਸੁਖਪ੍ਰੀਤ ਦੱਸਦੀ ਹੈ ਕਿ ਉਸ ਨੂੰ ਮਿਸਿਜ ਪੰਜਾਬ ਦਾ ਖਿਤਾਬ ਜਿੱਤਣ ਚ ਉਹ ਸਫਲ ਹੋਈ ਹੈ ਅਤੇ ਜਦਕਿ ਉਸ ਦਾ ਜੋ ਸੁਪਨਾ ਸੀ ਉਸ ਵੱਲ ਉਹ ਅਗੇ ਵੱਧ ਰਹੀ ਹੈ। ਸੁਖਪ੍ਰੀਤ ਦਾ ਕਹਿਣਾ ਹੈ ਕਿ ਉਸਦੀ ਇੱਛਾ ਹੈ ਕਿ ਉਹ ਅੱਗੇ ਹੋਰ ਮੁਕਾਬਲਿਆਂ ਚ ਵੀ ਹਿਸਾ ਲੈਕੇ ਇੰਡੀਆ ਪੱਧਰ ਦਾ ਐਵਾਰਡ ਜਿੱਤੇਗੀ । ਸੁਖਪ੍ਰੀਤ ਦਾ ਕਹਿਣਾ ਹੈ ਕਿ ਇਹ ਸਭ ਤਾਂ ਹੀ ਹਾਸਿਲ ਹੋ ਪਾਇਆ ਹੈ ਕਿਉਂਕਿ ਉਸ ਨੂੰ ਪਰਿਵਾਰ ਦ ਪੂਰਾ ਸਹਿਯੁਗ ਮਿਲਿਆ ਅਤੇ ਉਹ ਇਕ ਸੁਨੇਹਾ ਦੇ ਰਹੀ ਹੈ ਕਿ ਹਰ ਪਰਿਵਾਰ ਨੂੰ ਚਾਹੀਦਾ ਹੈ ਕਿ ਉਹ ਆਪਣੀਆਂ ਧੀਆਂ ਨੂੰ ਸਾਥ ਦੇਣ ਤਾ ਜੋ ਉਹ ਅਗੇ ਵੱਧ ਸਕਣ |