← ਪਿਛੇ ਪਰਤੋ
ਪੰਡਿਤਰਾਓ ਨੇ ਹਰਿਦੁਆਰ ਵਿਖੇ 'ਹਰਿ ਕੀ ਪੌੜੀ' 'ਤੇ ਕੀਤਾ ਸ੍ਰੀ 'ਜਪ ਜੀ' ਸਾਹਿਬ ਦਾ ਪਾਠ
ਹਰਿਦੁਆਰ : ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੁਨਿਆਦ ਜਪੁ ਬਾਣੀ ਦਾ ਕੰਨੜ ਵਿਚ ਅਨੁਵਾਦ ਕਰਨ ਵਾਲ਼ੇ ਸਮਾਜ ਵਿਗਿਆਨ ਦੇ ਪ੍ਰੋਫ਼ੈਸਰ ਪੰਡਿਤਰਾਓ ਨੇ ਇਸ ਬਾਣੀ ਦਾ ਪਾਠ ਕਰਨ ਲਈ ਹਰਿ ਕੀ ਪੌੜੀ ਤੇ ਲਗਾਤਾਰ ਦੋ ਦਿਨ ਆਸਣ ਲਾਇਆ। ਉਹ ਇਹ ਕਾਰਜ ਪਿਛਲੇ ਨੌਂ ਸਾਲਾਂ ਤੋਂ ਹਰ ਸਾਲ ਕਰਦੇ ਆ ਰਹੇ ਹਨ। ਹਰਿਦੁਆਰ ਵਿਖੇ ਗੁਰੂ ਗਿਆਨ ਗੋਦੜੀ ਗੁਰਦੁਆਰੇ ਦੀ ਮੁੜ੍ਹ ਉਸਾਰੀ ਦੀ ਮੰਗ ਕਰਨ ਵਾਲ਼ੇ ਪੰਡਿਤਰਾਓ ਨੇ ਓਥੋਂ ਦੇ ਲੋਕਾਂ ਦੇ ਘਰੋ ਘਰੀ ਜਾਕੇ ਸੰਦੇਸ਼ ਦਿੱਤਾ ਕਿ ਜੁਗ ਪੁਰਖ ਗੁਰੂ ਨਾਨਕ ਪਾਤਸ਼ਾਹ ਜੀ ਦੀ ਸਦੀਆਂ ਪੁਰਾਣੀ ਯਾਦਗਾਰ ਗੁਰਦੁਆਰਾ ਗਿਆਨ ਗੋਦੜੀ ਨੂੰ ਦੁਬਾਰਾ ਬਣਾਉਣ ਵਿੱਚ ਹੀ ਸਾਰਿਆਂ ਦਾ ਭਲਾ ਹੈ । ਉਹਨਾਂ ਕਿਹਾ ਕਿ ਗੁਰੂ ਨਾਨਕ ਪਾਤਸ਼ਾਹ ਜੀ ਦੀ ਬਾਣੀ ਹਰ ਇਕ ਦੇ ਦਿਲ ਤੇ ਦਿਮਾਗ ਤੇ ਅਸਰ ਪਾਉਣ ਵਾਲ਼ੀ ਹੈ ਜਿਸ ਨਾਲ਼ ਲੋਕਾਂ ਦਾ ਜੀਵਨ ਸੁਧਰ ਜਾਂਦਾ ਹੈ। ਉਹਨਾਂ ਯਕੀਨ ਪ੍ਰਗਟਾਇਆ ਕਿ ਹਰਿਦੁਆਰ ਵਿਖੇ ਗੰਗਾ ਕਿਨਾਰੇ ਗੁਰਦੁਆਰਾ ਗਿਆਨ ਗੋਦੜੀ ਦੀ ਮੁੜ੍ਹ ਉਸਾਰੀ ਜਰੂਰ ਹੋਵੇਗੀ।
Total Responses : 71