ਚੰਡੀਗੜ੍ਹ, 15 ਜਨਵਰੀ 2018: ਅਦਾਰਾ ਸੂਹੀ ਸਵੇਰ ਵੱਲੋਂ ਇਸ ਸਾਲ ਦਾ ‘ਸੂਹੀ ਸਵੇਰ ਮੀਡੀਆ ਐਵਾਰਡ’ ਉੱਘੇ ਰਾਜਨੀਤਕ ਕਾਰਕੁੰਨ ਲੋਕ ਪੱਖੀ ਕਲਮਕਾਰ ਤੇ ‘ਲੋਕ ਕਾਫ਼ਲਾ’ ਮੈਗਜ਼ੀਨ ਦੇ ਸੰਪਾਦਕ ਬੂਟਾ ਸਿੰਘ ਅਤੇ ਸ਼੍ਰੋਮਣੀ ਬਾਲ ਸਾਹਿਤਕਾਰ ਤੇ ਸਤਿਕਾਰਤ ਸਾਹਿਤਕ ਹਸਤੀ ਮਹਿੰਦਰ ਸਿੰਘ ਮਾਨੂੰਪੁਰੀ ਨੂੰ ਦਿੱਤਾ ਜਾ ਰਿਹਾ ਹੈ ।
ਬੂਟਾ ਸਿੰਘ ਨੂੰ ਇਹ ਸਨਮਾਨ ਜਮਹੂਰੀ ਮੁੱਦਿਆਂ ਨੂੰ ਆਪਣੀ ਕਲਮ ਰਾਹੀਂ ਜਨ -ਸਧਾਰਨ ਤੱਕ ਪਹੁੰਚਾਉਣ ਪੰਜਾਬੀ ਜ਼ੁਬਾਨ `ਚ ਸਿਆਸੀ ਚੇਤਨਾ ਵਾਲਾ ਸਾਹਿਤ ਰਚਣ ਤੇ ਅਨੁਵਾਦ ਕਰਨ ਲਈ ਦਿੱਤਾ ਜਾ ਰਿਹਾ । ਮਹਿੰਦਰ ਮਾਨੂੰਪੁਰੀ ਨੇ ਜਿੱਥੇ ਬਾਲਾਂ ਲਈ ਉੱਚ ਦਰਜੇ ਦਾ ਸਾਹਿਤ ਰਚਿਆ ਹੈ, ਉੱਥੇ ਬਾਲਾਂ ਤੱਕ ਮਿਆਰੀ ਸਾਹਿਤ ਪਹੁੰਚਾਉਣ ਤੇ ਪੁਸਤਕ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਵੀ `ਚ ਆਪਣਾ ਵਡਮੁੱਲਾ ਯੋਗਦਾਨ ਪਾਇਆ ਹੈ । ਪੰਜਾਬੀ ਅਦਬ ਨੂੰ ਬੜੇ ਪਿਆਰੇ ਹਸਤਾਖ਼ਰ ਦਿੱਤੇ ਹਨ ।
ਇਹ ਸਨਮਾਨ 17 ਫਰਵਰੀ ਨੂੰ ‘ਸੂਹੀ ਸਵੇਰ ਮੀਡੀਆ’ ਦੇ ਹੋ ਰਹੇ ਸਲਾਨਾ ਸਮਾਗਮ `ਚ ਦਿੱਤੇ ਜਾਣਗੇ । ਇਹਨਾਂ ਇਨਾਮਾਂ `ਚ 7100 ਦੀ ਨਗਦ ਰਾਸ਼ੀ , ਮੋਮੈਂਟੋ ਤੇ ਪੋਟਰੇਟ ਦਿੱਤਾ ਜਾਵੇਗਾ ।